"Azərbaycan: Yeni Turizm Istiqaməti" adlı xüsusi təqdimat tədbiri
Brüsseldə keçirilən Qlobal Turizm Forumunun çərçivəsində baş tutan "World Tourism Awards 2025" mükafatlandırma mərasimində Azərbaycanın “Ən Yaxşı Qastronomiya Məkanı” kimi tanınmasından sonra ölkəmiz yenidən diqqət mərkəzinə çevrildi.
Bu münasibətlə Azərbaycan Respublikasının Səfirliyi tərəfindən “Azərbaycan: Yeni Turizm İstiqaməti” adlı xüsusi təqdimat tədbiri təşkil olunub.
Tədbirdə çıxış edən səfir Vaqif Sadiqov qonaqları salamlayaraq Azərbaycanın zəngin mədəni irsini, qastronomiya ənənələrini və turizm potensialını vurğulayıb. O, Azərbaycanın Şərqlə Qərbi birləşdirən, dinamik və çoxşaxəli turizm mərkəzinə çevrildiyini qeyd edib.
Azərbaycanın bu uğuru ölkəmizin qonaqpərvərliyinin, mədəni müxtəlifliyinin və zəngin mətbəxinin beynəlxalq səviyyədə tanınmasının bariz nümunəsidir.
