Formula 1 Bakı 2025 – Əcnəbilər və vətəndaşlığı olmayan şəxslər üçün sadələşdirilmiş viza rejimi
2025-ci ildə Bakı şəhərində keçirilməsi planlaşdırılan Formula 1 yarışı ilə əlaqədar Azərbaycan Respublikasına gələn əcnəbilər və vətəndaşlığı olmayan şəxslər üçün viza prosedurlarının sadələşdirilməsi haqqında Azərbaycan Respublikası Prezidentinin 25 avqust 2025-ci il tarixli Sərəncamı - https://president.az/az/articles/view/69955
2025-ci ildə Bakı şəhərində keçiriləcək Formula 1 yarışı ilə əlaqədar Azərbaycan Respublikasına gələn əcnəbilər və vətəndaşlığı olmayan şəxslər 2025-ci il avqustun 25-dən sentyabrın 30-dək Azərbaycan Respublikasının beynəlxalq hava limanlarında viza ala bilərlər.
Viza verilməsi üçün aşağıdakı sənədlərdən biri əsas hesab edilir:
-
Formula 1 yarışlarının beynəlxalq təşkilatçıları olan “Formula One Management Limited” şirkətinin və Beynəlxalq Avtomobil Federasiyasının müvafiq qaydalarına uyğun olaraq akkreditasiyadan keçməni təsdiq edən akkreditasiya kartı və ya digər sənəd;
-
Bakı Şəhər Halqası Əməliyyat Şirkətində akkreditasiyadan keçməni təsdiq edən akkreditasiya kartı;
-
2025-ci ildə Bakı şəhərində keçiriləcək Formula 1 yarışına bilet (o cümlədən elektron bilet və ya biletin əldə olunmasını təsdiq edən sənəd);
