Brüsseldə Azərbaycanın Zəfər günü qeyd edilib
Zəfər Gününün beşinci ildönümünün qeyd olunması münasibətilə Azərbaycanın Belçikadakı səfirliyində tədbir keçirilib.
Xarici ölkələrin səfirliklərinin əməkdaşları, diplomatik missiyalarının rəhbərləri və hərbi attaşeləri və digər qonaqların iştirak etdikləri tədbirdə əvvəlcə Ulu Öndər Heydər Əliyevin və Vətən uğrunda canlarını fəda etmiş şəhidlərimizin xatirəsi bir dəqiqəlik sükutla yad edilib. Azərbaycan Respublikasının Dövlət Himni ifa olunub.
Tədbirin açılışında çıxış edən səfir Vaqif Sadıqov, Azərbaycan Respublikasının NATO yanında Nümayəndəliyinin başçısı Cəfər Hüseynzadə və Azərbaycan Silahlı Qüvvələrinin NATO-nun Hərbi Komitəsi yanında hərbi nümayəndəsi Ramil Həsənov
Azərbaycan Respublikasının Prezidenti, Silahlı Qüvvələrin Ali Baş Komandanı İlham Əliyevin rəhbərliyi ilə Azərbaycan Ordusunun 44 günlük Vətən müharibəsində qazandığı tarixi Qələbənin əhəmiyyətindən, xalqımızın qəhrəmanlıq salnaməsindən, hərbçilərimizin göstərdikləri şücaətlərdən, ölkəmizin müstəqilliyi, ərazi bütövlüyü və suverenliyinin qorunması istiqamətində əldə etdiyi tarixi nailiyyətlərdən danışıblar.
Tədbir zamanı Vətən müharibəsinə həsr olunmuş videoçarx nümayiş etdirilib.
