2016-12-29
İtaliyanın nüfuzlu “ANSA” xəbər agentliyinin internet səhifəsində Səfir Fuad İsgəndərovun müsahibəsi dərc olunmuşdur

Əsas mövzusu Cənub Qaz Dəhlizi layihəsi olan müsahibədə Səfir F.İsgəndərovun layihənin hazırki durumu və gələcəyi, eləcə də ümumilikdə ölkəmizin iştirakı ilə həyata keçirilən beynəlxalq enerji və nəqliyyat layihələri barədə fikirləri yer almışdır.

Müsahibədə Azərbaycan qazının ilk kubmetrlərinin 2020-ci ildə Avropaya çatdırılacağını qeyd edən Səfir F.İsgəndərov, qaz borusunun yekun nöqtəsi olan İtaliyanın Leççe vilayətinin San Foka məntəqəsində ətraf mühitinin qorunması xüsusunda narahatlıqlarla bağlı problemin müvafiq hakimiyyət orqanları tərəfindən tezliklə həll ediləcəyinə ümidvar olduğunu bildirmiş, irimiqyaslı layihələrin həyata keçirilməsində bu kimi məqamların yaranmasının ilk hal olmadığını vurğulamışdır.

Jurnalistin beynəlxalq enerji bazarında Azərbaycanın rəqabət qabiliyyəti ilə bağlı sualına cavab olaraq Səfir F.İsgəndərov Azərbaycanın heç kəslə rəqabət aparmadığını önə çəkmiş, Cənub Qaz Dəhlizini layihəsinin maliyyə məsələləri ilə bağlı qərarların artıq qəbul edilməsini müsbət hal kimi səciyyələndirmişdir.

O, habelə Şimal –Cənub nəqliyyat dəhlizi layihəsinin önəmini vurğulamış və bu xüsusda, Azərbaycan, Rusiya və İran Prezidentlərinin Bakıda keçirilmiş görüşünü xatırlatmışdır.

Sonda Səfir F.İsgəndərov 20 ildən artıq davam edən Ermənistan-Azərbaycan Dağlıq Qarabağ münaqişəsinə toxunaraq, qaz borusunun işğal edilmiş ərazilərə yaxın məntəqələrdən keçəcəyini qeyd etmiş və Cənub Qaz Dəhlizi layihəsinə ən ciddi təhlükənin elə buradan gələ biləcəyinə dair narahatlığını ifadə etmişdir.

növbəti xəbər əvvəlki xəbər

 

 

Tərcümeyi-hal



FUAD ELDAR OĞLU İSGƏNDƏROV


Doğulduğu tarix və yer: 6 avqust 1961-cı il, Bakı, Azərbaycan


 Təhsil və təlim proqramları:

1978-1983

Bakalavr - Beynəlxalq iqtisadi münasibitlər / İngilis dili üzrə tərcümə, Beynəlxalq münasibətlər və beynəlxal hüquq institutu, Kiyev Milli Universiteti

1999 (noyabr)

Böhranların idarə edilməsi üzrə ixtisasartırma təlim proqramı, Beynəlxalq Hüquq-Mühafizə Akademiyası, Budapeşt, Macarıstan

2001 (may-iyun)

2002 (iyul) 

Qara Dəniz ixtisasartırma proqramı, C.F. Kennedi İdarəçilik Məktəbi, Harvard Universiteti, ABŞ

Qanunvericilik üzrə ixtisasartırma kursları, ABŞ Dövlət Departamenti, ABŞ Ədliyyə Departamenti

2006 (yanvar)

Milli Hərbi Strategiya üzrə Seminar, Corc Marşal adına Avropa Təhlükəsizlik Araşdırmaları Mərkəzi 

 İş təcrübəsi

1986-1995

Hərbi xidmət

1995-2002

İnformasiya və təhlil idarəsinin rəisi, Azərbaycan Respublikasının Milli Təhlükəsizlik Nazirliyi

2002-2006 

Azərbaycan Respublikasının milli təhlükəsizlik nazirinin müavini

2006-2007 

Xüsusi tapşırıqlar üzrə səfir, Azərbaycan Respublikasının Xarici İşlər Nazirliyi                                   Yunesko üzrə Azərbaycan Milli Komissiyasının baş katibi

2007-2012

Azərbaycan Respublikasının Niderland Krallığında fövqəladə və səlahiyyətli səfiri

Azərbaycan Respublikasının Kimyəvi Silahların Qadağan Edilməsi üzrə Təşkilat yanında daimi nümayəndəsi

 

2012- indiyədək Azərbaycan Respublikasının Belçika Krallığı və Lüksemburq Böyük Hersoqluğunda fövqəladə və səlahiyyətli səfiri, Azərbaycan Respublikasının Avropa İttifaqı yanında Nümayəndəliyinin rəhbəri


Tədris və elmi fəaliyyət

1983-1986

Aspirant və dosent, Siyasi iqtisadiyyat kafedrası, Azərbaycan Dövlət Universiteti 

1984-1985 

Mühazirəçi, Tərcümə nəzərriyyəsi kafedrası, Azərbaycan Dillər Universiteti 

2000-2003

Mühazirəçi, Beynəlxalq münasibətlər kafedrası, Beynəlxal münasibətlər və beynəlxalq hüquq fakultəsi, Bakı Dövlət Universiteti

   
Ailə vəziyyəti:

Evlidir, bir oğlu və bir qızı var

 

Xarici dillər Rus, ingilis, türk

 

PDF versiyası